அர்துகான் கடந்த ஞாயிறன்று ஆற்றிய உரை மிகச்சுருக்கமாக…

 

53620

“மக்களாட்சி, ஜனநாயகத்துக்கான மில்லியன்களில் மக்கள்” திரண்ட இப்பிரமாண்ட அணிதிரள்வு இஸ்தான்பூலின் யனி காபி சதுக்கத்தில் இடம்பெற்றது.

 

> உரையை அர்துகான் முன்னாள் ஜனாதிபதி அப்துல்லாஹ் குல் அவர்களை வாழ்த்தித் துவங்குகிறார்.

> கடந்த ஜூலை 15 அன்று ஜனநாயகத்தைப் பாதுகாக்க வீறுகொண்டெழுந்து வீதிக்கு வந்த மக்களுட்பட அனைவருக்கும் நன்றி தெரிவிக்கிறார்.

அர்துகான்> அன்றைய தினம் 178 பொதுமக்களும் இன்னும் பல பாதுகாப்புப் பிரிவினர்களும் ஷஹாதத் அந்தஸ்தைப் பெற்றுக் கொண்டனர். மேலும் 2000 பேர் அளவான காயமுற்றவர்கள் வரலாற்றில் தம் பெயரைப் பதிந்துவிட்டனர்.

அர்துகான்> ஜனநாயகத்தைப் பாதுகாக்க வீதிக்கு இறங்கிய இறங்கிய ஒவ்வொருவரது உழைப்பும் முக்கியமானது. இந்த வெற்றி துருக்கியின் 79 மில்லியன் மக்களுக்கும் சமர்ப்பணம். உலகத்துக்கே நாம் முன்மாதிரி.

அர்துகான்> நம் மூதாதையர்கள் ஆக்கிரமிப்பாளர்களுக்கு எதிராக நின்ற அதே உத்வேகத்துடன் நீங்களும் இருக்கிறீர்கள். எமது பலம் என்பது அரசியலுடனும் பொருளாதாரத்துடனும் சுருக்கப்பட்டதல்ல.

அர்துகான்> இன்று நம் மக்களவைத் தலைவர், பாதுகாப்புத் துறைத் தலைவர் மற்றும் அனைத்து அரசியல் கட்சிகளின் தலைவர்கள் இங்கு கூடியிருக்கிறோம். இதன் மூலம் நம் எதிரிகளுக்கு உறுதியான செய்தியை முன்வைத்திருக்கிறோம்.

அர்துகான்> நாம் 1000 வருடங்களுக்கும் மேலான பெருமைமிகு பாரம்பரியம் கொண்டவர்கள். நம் இலக்கு நம்மை அனைத்துத் துறைகளிலும் முதல் தரத்திற்குக் கொண்டுவருவதே.

அர்துகான்> நம்மை அச்சுறுத்த நினைக்கும் ஒவ்வொரு சக்திக்கெதிராகவும் நாம் ஒன்றுபட்டு எழுவோம். அல்லாஹ்வின் முன்னிலையில்… அவனைப் புகழ்ந்தவர்களாக… பணிந்தவர்களாக… கண்ணியமிகு மக்களே! இத்தருணம் அனைவருக்கும் நன்றிகளைத் தெரிவிக்கிறேன்.

அர்துகான்> அத்தா துர்க் ஒரு முறை ‘நம் மக்கள் ஒரு போதும் தலைகுனிவையும் இழிவையும் ஏற்றுக் கொள்ள மாட்டார்கள்’ என்றார். நான் 96 வருடங்களின் பின் மீண்டு உங்களிடம் கேட்கிறேன் “தலைகுனிவையும் இழிவையும் நீங்கள் ஏற்றுக்-கள்வீர்களா?”

ஐந்து மில்லியன் ஜனத்திரளும் ஒரே குரலில் “இல்லை…இல்லை” என ஆர்ப்பரிக்கிறது.

அர்துகான்> இங்குள்ள கட்சித் தலைவர்கள் ஒவ்வொருவரும் மக்களாகிய உங்களது வேண்டுகோள் என்னவென்பதை நன்கு அறிந்திருப்பார்கள். மரண தண்டனை அமுல்படுத்தப்பட வேண்டுமா என்பதை துருக்கியப் பாராளுமன்றம் முடிவு செய்யும்.

அர்துகான்> துருக்கிக்கும் அதன் மக்களுக்கும் சதிகாரர்கள் செய்யப் பார்த்த அநியாயம் எதனையும் நான் சும்மா பார்த்துக் கொண்டிருக்க முடியாது.

அர்துகான்> தியாகிகளின் உடம்புக்கு மேலால் டாங்கிகளை ஓட்டிச் சென்று சிதைத்தவர்களை நம்மால் பார்த்துக் கொண்டிருக்க முடியாது.

அர்துகான்> நமது மரண தண்டனை அமுலாக்கம் குறித்து விமர்சிக்க முற்படுவோர் அமெரிக்கா, சீனா, மேலும் நாடுகளிலும் அது இருப்பதை அறிந்திடட்டும்.

அர்துகான்> தம்மை டாங்கிகளுக்கு முன்னால் அர்ப்பணம் செய்து கொண்ட நம் மக்கள் பலரைக் கண்ணுற்று இருப்பீர்கள். சிலர் நினைத்துக்கொண்டிருந்தனர் நம் மக்கள் நிமிர்ந்த நெஞ்சுடன் டாங்கிககள் முன்னால் வரமாட்டர் என்று..

அர்துகான்> அதன் போது தேசத்தின் பக்கம் நின்ற இராணுவத்தை நான் தூய்மைப்படுத்துகிறேன்.

அர்துகான்> நாம் சில பாடசாலைகளை மூடிய போது விமர்சித்தவர்களுக்குக் கூறுகிறேன். அந்த பாடசாலைகளே இந்த சதிகாரர்களை உருவாக்கின.

அர்துகான்> நம் நண்பர்களையும் எதிரிகளையும் நன்கறிந்த ஒரு தலைமுறையை நாம் உருவாக்கிக் காட்டுவோம்.

அர்துகான்> ஹராம்-ஹலாலை நன்கறிந்த ஒரு தலைமுறையை நாம் உருவாக்கிக் காட்டுவோம்.

அர்துகான்> இச்சதிக்கு மூல காரணமாக இருந்தோரையும் உடந்தையானோரையும் அடையாளம் செய்கிறோம். அந்த குலன் இயக்கத்தை மோசடி இயக்கம் எனக் கூறாதோரும் உள்ளனர். இத்தகையோரின் பின்னணி, அஜண்டாக்களை எடுத்துரைப்பது நம் கடமை.

அர்துகான்> நம் பாதுகாப்பு, சிவில், இராணுவத் துறைகளை இம்மோசடிக்காரர்களிடமிருந்து தூய்மையாக்க வேண்டும். குலன் அமைப்பு, தாஇஷ் அனைத்துப் பயங்கரவாதிகளும் துருக்கியின் எதிரிகளே.

அர்துகான்> இச்சதிக்கு ஆதரவளித்து துருக்கிக்கு எதிராக நின்ற வெளிச் சக்திகள், பிற நாடுகளும் உள்ளன.

அர்துகான்> சதிகாரர்களுக்கு எதிராக நாம் சட்டபூர்வமாகவே நடவடிக்கைகள் எடுப்போம்.

அர்துகான்> கடந்த 15 நிகழ்வின் பின் நீங்கள் ஒவ்வொருவரும் ஒரே மக்களாக.. ஒரே கொடியின் கீழ் ஆகிவிட்டீர்கள்.

அர்துகான்> நமது மக்கள் ஜூலை 15 சதி முயற்சியின் போது துருக்கியர், குர்தியர், அரபியர், பொஸ்னியர் என அனைத்து இனத்தினரும் ஒன்றாகக் கைகோர்த்து இருந்தீர்கள்.

அர்துகான்> அன்று நமது மின்பர்களும், அதான் கூறும் இடங்களும் தம் பணியை மிகச் சிறப்பாக செய்தன.

அர்துகான்> நம் மக்களின் விருப்பம் ஜனநாயக ஆட்சி என்பதை பல வருடங்களுக்கு சொல்லி வைக்கிறோம்.

அர்துகான்> நம் மக்கள் துணிச்சல் அற்றவர்கள் எனக் கண்டவர்களுக்கு நாம் சாதித்துக் காட்டிவிட்டோம். நமது மக்கள் வீரத்தினதும் துணிச்சலினதும் அடையாளம்.

அர்துகான்> எமது உள்ளங்கள் எல்லையற்று விசாலமானது.

அர்துகான்> அநியாயமிழைக்கப்பட்டோருக்கு நீதி கிடைக்கச் செய்வதில் நாம் துரோகம் இழைத்திட மாட்டோம்.

அர்துகான்> இவ்விடத்துக்கு வருகை தந்த அனைத்துத் தரப்பாருக்கும் தனித்தனியே மிகுந்த நன்றிகளைத் தெரிவிக்கிறேன். அனைவரும் இச்சதியை தோல்வியடையச் செய்வதில் பங்காற்றியவர்கள்.

அர்துகான்> உலகின் பல பாகங்களிலும் இருந்த நம் மக்கள் ஒவ்வொருவருக்கும் நன்றிகள். மேற்கு ஊடகங்கள் பயங்கரவாத இயக்கங்களுக்கு வால்பிடித்து செய்தி வெளியிட்ட போது உலகிற்கு உண்மையை எடுத்துச் சென்றவர்கள்.

 

M.S.M. Siaaf Naleemi

siaafmq@gmail.com

10082016 – 06.00 AM

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s